MyGov platform is designed, developed and hosted by National Informatics Centre, Ministry of Electronics & Information Technology, Government of India.
ক’ভিড -১৯ -ৰ সংক্ৰমণৰ ফলত বৰ্তমান বিশ্বজুৰি স্বাস্থ্যজনিত এক জৰুৰী অৱস্থা চলি আছে। মাননীয় প্ৰধানমন্ত্ৰী নৰেন্দ্ৰ মোদী ডাঙৰীয়াই যোৱা ২৪ মাৰ্চত দেশজুৰি ২১ দিনৰ বাবে ‘লকডাউন’ ঘোষণা কৰিছে। আমাৰ দেশত কৰ’না ভাইৰাছৰ সংক্ৰমণ ব্যাপক পৰিসৰত হোৱাৰ পৰা ৰক্ষা পাবলৈ ভাৰতৰ দৰে এখন জনবহুল দেশত লকডাউনৰ প্ৰয়োজনীয়তা আছে।
যদিও ২১ দিনৰ লকডাউন বৰ্তমান এক সময়ৰ আহ্বান, তথাপি আমি এই সময়ছোৱা ঘৰৰ ভিতৰতে থাকি অতিবাহিত কৰিবৰ বাবে নিজকে মানসিকভাৱে সাজু কৰাটোও খুবেই জৰুৰী। লকডাউনৰ সময়ছোৱাত দেখা দিব পৰা আমাৰ হতাশাগ্ৰস্ততা, মানসিক অৱসাদ, ভয়, শংকা আদিয়ে শাৰীৰিকভাৱেও ক্ষতি কৰিব পাৰে। এই শংকা আৰু হতাশাগ্ৰস্ততা আঁতৰ কৰিবৰ বাবে আমি বিভিন্ন উপায় অৱলম্বন কৰিব পাৰো।
মানসিক অৱসাদ, ভয়-শংকা অথবা হতাশাগ্ৰস্ততা কেনেদৰে আঁতৰ কৰিব?
এটা কথা আমি মনত ৰখাটো খুবেই জৰুৰী, এই লকডাউন আৰু সামাজিক দূৰত্ব এক নিৰ্দিষ্ট সময়ৰ বাবেহে, যিটো আমাৰ সকলোৰে সুৰক্ষিত ভৱিষ্যতৰ দিশত মংগলজনক। সমগ্ৰ বিশ্বজুৰি এই ৰোগৰ চিকিৎসা আৰু সংক্ৰমণ ৰোধৰ গৱেষণাত চিকিৎসা বিজ্ঞানীসকল ব্যস্ত হৈ আছে। গতিকে ভয়-শংকাৰে হতাশগ্ৰস্ত হোৱাৰ কোনো কাৰণ নাই। সাময়িকভাৱে কিছুদিন ঘৰতে থাকি পৰিয়ালৰ সৈতে কিছু ভাল লগা মুহুৰ্ত কটাও আহক।
MyGov platform is designed, developed and hosted by National Informatics Centre, Ministry of Electronics & Information Technology, Government of India.
Total Comments - 0